Hetimi për një rrjet të fermave me kanabis në Britaninë e Madhe, të kontrolluar nga “mafia shqiptare”, ka çuar në arrestimin e 26 personave.
Mediat angleze bën me dije se operacioni “Tisdale” nisi në muajin mars 2016-të, duke shkatërruar një grup të madh të krimit të organizuar, i cili kultivonte, paketonte dhe shiste drogën në mbarë vendin.
Operacioni kontrollohej nga kriminelët e organizuar nga Shqipëria, bandat e “mafias” të të cilëve janë bërë lojtarë të rëndësishëm në tregtinë e drogës në Britani gjatë viteve të fundit.
Sipas autoriteteve, paratë e fituara nga tregtia e kanabisit, shpërndaheshin nëpërmjet llogarive bankare të Besnik Hoxhës, 34 vjeç, gruaja e të cilit, Ifigenia Cipi 33 vjeç, i shijonte nëpër qendrat e releksit.
Së fundmi, gjykata ka dhënë dënimin për dy shqiptarët, Elton Omuri dhe Toni Boboshi. Omuri u dënua me katër vjet burg, teksa Boboshi u dënua me gjashtë vite burg.
Detektivi, Karen Ryan i skuadrës të Krimit të Rëndë dhe Organizuar tha se : “Grupi ishte pjesë e një operacioni të sofistikuar, përdorte emra të rremë, adresa të rreme dhe dokumentacione false për të shmangur zbulimin nga autoritetet dhe prokuroria”.
Të enjten e 21 korrikut 2016-të, oficerët nga Grupi i Krimeve të Rënda, kryen 12 bastisje nëpër zonat e Mançesterit dhe Cheshire duke zbuluar ferma të kanabisit me një vlerë totale prej 6 milion pound në Crumpsall, Moss Side, Wythenshawe, Stretford, Salford, Droylsden, Rochdale dhe Wilmslow, Cheshire. Fermat e tjera u zbuluan në Rotherham dhe Sheffield, South Yorkshire.
Shqiptarët e dënuar nga operacioni “Tisdale”:
Besnik Hoxha, 34 vjeç, u dënua me dy vite burg për pastrim parash.
Ifigjenia Cipi, 33 vjeç, u dënua me një vit e gjashtë muaj burg për dokumentacion të rremë.
Denad Hoxha, 28 vjeç, u dënua me katër vjet e gjashtë muaj burg.
Taulant Hoxha, 31 vjeç, u dënua me pesë vjet e katër muaj burg.
Mario Basha, 31 vjeç, u dënua me tre vjet e nëntë muaj burg.
Fatjon Hazizi, 32 vjeç, u dënua me katër vite burg.
Krenar Harisis, 33 vjeç, u dënua me tre vjet e gjashtë muaj burg.
Andi Lekaji, 39 vjeç, u dënua me katër vjet burg.
Fatjon Hoxha, 33 vjeç, u dënua me një vit burg.
Ervin Hoxha, 38 vjeç, u dënua me një vit e tre muaj burg.
Arbor Basha, 27 vjeç, u dënua me një vit e tre muaj burg.
Arjan Harisis, 26 vjeç, u dënua me një vit e tre muaj burg.
Gentjan Harisis, 28 vjeç, u dënua me një vit e tre muaj burg.
Amtomio Kojo, 28 vjeç, u dënua me një vit e tre muaj burg.
Haxhi Hazizi, 20 vjeç, u dënua me një vit e tre muaj burg.
Ismail Agaci, 22 vjeç, u dënua një vit e tre muaj burg.
Altin Ripaj, 33 vjeç, u dënua me një vit e tre muaj burg.
